اتر پردیش کے نوئیڈا میں سب سے زیادہ لوگ کورونا وائرس سے متاثر ہیں، جہاں تقریباً متاثرین کی تعداد 48 پہنچ چکی ہے۔
انتظامیہ نے حالات کے پیش نظربڑی کارروائی کرتے ہوئے گریٹر نوئیڈا کے چار ہوٹلز کو ٹیک اوور کیا ہے۔ جن میں ریڈیسن بلیو، سوائے شوٹس، انسل پلازہ اور اسٹیلر جم خانہ شامل ہیں۔
انتظامیہ کا کہنا ہے کہ اس عالمی وبا کو دیکھتے ہوئے ڈاکٹر اور پیرا میڈیکل اسٹاف کے یہاں قیام کا انتظام ہوگا۔
وہیں ایک دن قبل مہیش شرمانے 100 بیڈ کورونا متاثرین کے لیے وقف کر دیا تھا، اس کے بعد نوئیڈا میں ایک یونٹ کی جانب سے اگلے ایک ماہ میں دس ہزار وینٹی لیٹر بنا کر مرکزی حکومت کو سونپا جائے گا۔
واضح رہے کہ کورونا وائرس سے مسلسل مریضوں کی تعداد میں اضافہ ہو رہا ہے جس کے چلتے ہسپتالوں میں آئیسولیشن وارڈ بھی کم پڑ گئے ہیں۔
