عوامی رائے اور نظریات کو تبدیل کرنا گراس روٹ لیول تک موجود رہنماوں کے ذریعے ہی ممکن ہے۔ اسی لئے اترپردیش کے شہر نوئیڈا میں کانگریس نے بلاک صدور بھی نامزد کردیے۔ کانگریس مطلوبہ ہدف کے حصول میں تنظیم سازی کے عمل پر سنجیدگی سے کام کر رہی ہے۔
کانگریس کی تنظیم سازی مہم میں عوامی طور پر غیر معمولی جوش و خروش بھی دیکھنے کو مل رہا ہے۔ اس کی شروعات ویسٹ بلاک سے ہوئی جس میں ریاستی سکریٹری اور ضلع کے انچارج سنیل وشنوئی اور ریاستی تنظیم سازی کے صدر ڈاکٹر سنجیو شرما بھی موجود تھے۔
مزید پڑھیں: درختوں کی کٹائی کے خلاف احتجاج
اس موقع پر سٹی صدر شہاب الدین نے کہا کہ مستقبل میں تمام سرکاروں نے عوام اور کسانوں کا استحصال کیا ہے۔ اس لئے اب وقت آ پہنچا ہے کہ کانگریس کو مضبوط کر کے اسے اقتدار میں لایا جائے۔ اس کے لیے زمینی سطح پر تیاری ضروری ہے۔ بلاک صدور اپنی ذمہ داریوں کو بہتر طریقے سے نبھا کر عوام کو کانگریس کی پالیسیوں سے ہم کنار کرائیں۔
اس موقع پر دنیش اوانہ، مکیش یادو، پرشوتم ناگر، گوتم اوانہ،جاوید خان، ستیندر شرما اور لیاقت چودھری وغیرہ موجود تھے۔
