نوئیڈا:گھر کے باہر بندھا بکرا چور لے کر فرار

اترپردیش کے شہر نوئیڈا کے جیور ٹپل مارگ پر واقع ایک ڈیری کے قریب چور ایک مکان کے سامنے بندھا بکرا کو کھول کر کار میں ڈال کر فرار ہوگیا۔ بکرا چوری کا واقعہ سی سی ٹی وی میں قید ہو گیا ہے۔ متاثرہ شخص نے چوروں کے خلاف جیور کوتوالی میں شکایت کی ہے۔

ٹپل روڈ جیور کے رہائشی انیس خان کا بکرا اس کے گھر کے سامنے بندھا ہوا تھا۔ نامعلوم کار سوار چور بکرے کو کار میں ڈالنے کے بعد فرار ہوگئے۔

یہ واقعہ انیس خان کے گھر کے باہر نصب کیمرے میں قید ہو گیا۔

تفتیش میں انکشاف ہوا ہے کہ ملزمین نے دسمبر 2020 میں متاثرہ کے گھر کی دیوار توڑ کر تین بھینسیں چوری کی تھیں۔ فوٹیج کی بنیاد پر پولیس نامعلوم چوروں کی شناخت کر رہی ہے۔