اترپردیش کے نوئیڈا ضلع گوتم بودھ نگر میں کورونا وائرس کے پھیلاؤں میں تیزی سے اضافہ ہو رہا ہے۔ حکومت کی جانب سے اس وبا کو روکنے کےلیے تمام تر اقدامات کئے جارہے ہیں۔
حکومت کے تمام تر احتیاطی اقدامات اور تدابیر کے باوجود آج وائرس سے 3 مریضوں کی موت ہوگئی۔ اس کے علاوہ گذشتہ چوبیس گھنٹوں کے دوران 152 نئے کیسز پائے گئے۔
دوسری طرف ضلع میں آج 178 مریضوں کو صحتیابی کے بعد ہسپتال سے ڈسچارج کردیاگیا۔ اب تک ضلع میں کل 20،445 مریض صحتیاب ہوئے ہیں جبکہ اس وبا سے اب تک 80 اموات ہوئی ہیں۔ نوئیڈا میں فی الحال 1276 فعال کیسیز ہیں جن کا علاج جاری ہے۔
