ریاست اترپردیش کے ضلع علی گڑھ میں تھانا کوارسی علاقے کے کوڑے دان سے ایک زندہ نوزائیدہ بچی ملنے کے بعد علاقہ میں افراتفری پھیل گئی۔
کمشنر دفتر کے قریب کوآرسی چوراہے بازار کے کوڑے دان میں بچی کو زندہ دیکھ کر لوگوں نے پولیس کو اطلاع دی۔ پولیس نے فوری طورپر وہاں پہنچ کر بچی کو ہسپتال منتقل کردیا۔
علی گڑھ: کوڑے دان سے زندہ بچی برآمد
علی گڑھ سرکل آفیسر (سی او) انیل سمانیہ نے بتایا کہ کوآرسی چوراہے پر جو بازار لگتا ہے وہاں صبح ساڑھے دس بجے ایک بچی کپڑے میں لپٹی ہوئی زندہ پائی گئی، بچی کو فوری طور پر ضلع ملقان سنگھ ہسپتال منتقل کیا گیا، جہاں بچی کی حالت بہتر بتائی جارہی ہے۔ اس سلسلہ میں ایک مقدمہ درج کرکے تحقیقات کا آغاز کردیا گیا۔
