شعبہ طبیعیات اور شعبہ مائکروبایولوجی میں نئے سربراہوں کا انتخاب

پروفیسر بہانوں پرکاش سنگھ علی گڑھ مسلم یونیورسٹی کے شعبہ طبیعیات کے نئے چیئرمین مقرر کیے گئے ہیں۔انہوں نے پروفیسر توحید احمد کی جگہ لی ہے۔

مائیکرو بایولوجی شعبہ کے چیئرمین کے لیے پروفیسر حارث منصورخان کو مقرر کیا گیا ہے ۔ انہوں نے پروفیسر محمد شاہد کی جگہ لی ہے۔ دونوں سربراہان شعبہ کی مدت کار تین برس ہوگی۔

ذرائع کے مطابق پروفیسر حارث منصورخان گذشتہ 24 برسوں سے مائکروبیولوجی شعبہ میں انڈر گریجویٹ اور پوسٹ گریجویٹ تدریسی و تحقیق میں سرگرم عمل ہیں۔

آئی اے ایم ایم کے یوپی چیپٹر کے نائب صدر کا عہدہ سے بھی وابستہ رہے۔ دلچسپی کی فیلڈز میں پیراجیولوجی ، نانو مائکروبیولوجی اور امیونولوجی شامل ہیں۔

انھوں نے بتایا کہ 40 ایم ڈی تھیسس اور 2 پی ایچ ڈی مائکروبیولوجی تھیسس کی رہنمائی کی۔ قومی اور بین الاقوامی جریدے میں 91 سے زائد تحقیقی مقالات لکھ چکے ہیں اور مختلف کتابوں میں 13 ابواب لکھ چکے ہیں۔ اس وقت 'چوہوں میں نینو پارٹیکلز کے اینٹی مائکروبیل اور زہریلے اثرات کی تشخیص' کے عنوان سے پروجیکٹ پر کام کر رہے ہیں۔