ریاست اترپردیش کے امروہہ ضلع کے گجرولا میونسپل کونسل کو صاف صفائی کے لئے کئی بار اعزاز سے نوازا جا چکا ہے لیکن زمینی حقیقت کچھ اور ہی بیان کر رہی ہے۔
ان دنوں نگر پالیکا پریشد کے علاقوں میں واقع وسنت وہار کالونی کے رہائشی صفائی اور ترقیاتی کام رکنے کی وجہ سے پریشان ہیں۔
وسنت وہار کالونی کے باشندوں نے بتایا کہ ان کی کالونی کی سڑک 3 ماہ قبل تعمیر کے مقصد سے اکھاڑ دی گئی تھی لیکن تین ماہ گزرنے کے بعد بھی سڑک ٹھیک نہیں ہوئی ہے۔
ان کا کہنا ہے کہ سڑک مکمل طور پر ٹوٹ چکی ہے جس کی وجہ سے پریشانی کا سامنا کرنا پڑ رہا ہے، نالوں کا گندا پانی سڑک پر آگیا ہے جس کی صفائی کے لئے کوئی بھی ملازم نہیں آتا ہے۔
یہ بھی پڑھیں: اقلیتی کمیشن میں 7 میں سے 6 عہدے خالی، مرکز سے جواب طلب
انہوں نے کہا کہ بار بار میونسپل حکام سے شکایت کرنے کے بعد بھی اس معاملے کا حل تلاش کرنے میں گجرولا میونسپل کونسل ناکام ہے جس کی وجہ سے اُنہیں گندگی میں رہنا پڑ رہا ہے۔
