مشہور اداکار نوازالدین صدیقی پردہ سیمیں پر سماجوادی پارٹی کے لیڈر اور سابق وزیر دفاع جارج فرنانڈز کا کردار ادا کریں گے۔
شیو سینا کے لیڈر سنجے راؤت نے شیو سینا کے سربراہ بالا صاحب ٹھاکرے کی زندگی پر فلم ٹھاکرے بنائی ہے۔لیڈر سے فلم ساز بنے سنجے راؤت ،نوازالدین صدیقی کے ٹھاکرے میں کام اور فلم کی کامیابی سے کافی خوش ہیں۔
سنجے راؤت اب سماجوادی پارٹی کے قدآور لیڈر جارج فرنانڈز کی زندگی پر فلم بنانے کا منصوبہ بنارہے ہیں۔اس میں وہ مرکزی کردار کےلئے نوازالدین صدیقی کو لینا چاہتے ہیں۔
سابق وزیر دفاع اور ٹریڈ یونینسٹ رہے جارج فرنانڈز سنجے راؤت کے اچھے دوست تھے۔ بالا صاحب ٹھاکرے میں نوازالدین کی اداکاری سے متاثر ہوکر سنجے راؤت نے حال ہی میں ان سے رابطہ کیا اور انہیں اس رول کی پیش کش کی۔
نواز کا چہرہ جارج سے کافی ملتا جلتا ہے اور اسے کاپی کرنے میں زیادہ محنت نہیں لگے گی۔کہا جارہا ہے کہ فلم کی کہانی 1950کے وسط سے لےکر 1975تک ممبئی میں مسٹر فرنانڈز کے زندگی پر مبنی ہوگی۔
