ریاست اترپردیش کے ضلع مظفر نگر کے تھانہ بوڈھانا کوتوالی کے گاؤں جولا میں غیر قانونی اسلحہ بنانے والی ایک فیکٹری کا پردہ فاش کیا ہے اور ساتھ ہی دو لوگوں کو گرفتار بھی کیا ہے۔
پولیس کے مطابق گاؤں میں گنے کی فصلوں کے درمیان اس غیر قانونی کاروبار کو انجام دے رہے ہیں۔
مخبر کی اطلاع پر بوڈھانا کوتوال کشمال سنگھ ایک بڑی پولیس فورس کے ساتھ گنے کے کھیت میں چھاپہ مار کارروائی کی اور وہاں غیر قانونی اسلحے بنا رہے دو شاطر بد معاشوں کو دبوچ لیا جبکہ دو دیگر ملزم بھاگنے میں کامياب رہے۔
پولیس نے دونوں شاطر بدمعاشوں کو پکڑنے کے لیے کومبنگ آپریشن کیا لیکن وہ پولیس کو چکما دےکر فرار ہوگئے۔گرفتار کیے گئے شرپسند عناصر نے اپنے نام احسان اور آصف بتائے۔
پولیس نے موقع سے بڑی تعداد میں غیر قانونی تیار اسلحے اور نیم تیار کردہ اسلحے برآمد کرنے کے ساتھ ساتھ اسلحہ بنانے کا ساز و سامان بھی برآمد کرلیا ہے۔
ایس ایس پی نے پولیس ٹیم کو دس ہزار روپے انعام دینے کا اعلان بھی کیا ہے۔
