مسلم خواتین اپنے حقوق کے تئیں بیدار

’مسلم معاشرے میں جہیز جیسی بدترین لعنت کم ہو رہی ہے۔ اس کی بڑی وجہ یہ ہے کہ سماج یافتہ ہورہا ہے اور خواتین اپنے حقوق کے لیے خواتین بیدار ہوچکی ہیں‘ یہ کہنا ہے کیرالہ کے گورنر عارف محمد خان کا۔

اترپردیش میں واقع شیعہ پی جی کالج میں آج حضرت علیؓ اور انسانیت کے عنوان سے سمینار منعقد کیا گیا، جس میں مہمان خصوصی کیرالہ کے گورنر عارف محمد خان رہے۔

اس موقع پر ای ٹی وی بھارت سے بات چیت کے دوران عارف محمد خان نے کہا کہ مسلم خواتین اپنے حقوق کے تئیں بیدار ہوچکی ہیں کیونکہ اب ان کی بھی تعلیم و تربیت بہتر انداز میں ہو رہی ہے۔ اب مسلم خواتین بھی اپنے حقوق کے لیے احتجاج کر سکتی ہیں۔

عارف محمد خان نے کہا کہ مسلم خواتین کے ساتھ بھیڑ بکریوں کی طرح برتاؤ نہیں جا سکتا ہے کیونکہ وہ اب اس کے لیے بالکل تیار نہیں ہیں۔ واضح رہے کہ کچھ روز قبل گجرات میں عائشہ نے ندی میں کود کر خودکشی کرلی تھی۔

قابل ذکر ہے کہ بھاجپا حکومت نے ملک میں سی اے اے اور این آر سی نافذ کر دیا ہے لیکن کورونا وبا کے چلتے اس پر بریک لگ گئی تھی لیکن وزیر داخلہ امت شاہ نے کہا تھا کہ اب اس جانب کام کریں گے۔ کیرالہ کے گورنر عارف محمد خان نے کہا کہ 1985 سے ابھی تک کسی کو بھی سی اے اے اور این آر سی کے تحت نہیں نکالا گیا۔