ریاست اترپردیش کے شہر سہارنپور کے تھانہ نگر کوتوالی علاقہ کے نوربستی میں ایک نوجوان نے دوسرے نوجوان کا تیز دھار ہتھیار سے گلا کاٹ کر قتل کردیا۔ ہارون نامی نوجوان نے محمد قیصر علی کو دھار دار چاقو سے حملہ کر قتل کردیا۔ مقتول محمد قیصر سنار کا کام کرتا تھا۔
یہ معاملہ سہارنپور شہر کے نور بستی میں پیش آیا ہے۔ اسی علاقے کے رہنے والے شخص قیصر علی کا چاقو سے حملہ کرکے قتل کردیا گیا۔ یہ حادثہ تب پیش آیا جب قیصرر علی اپنی سنار کی دکان کھولنے کی کوشش کر رہا تھا، اسی وقت اچانک سے ہارون نے پیچھے سے قیصر علی کے گلے پر چاقو سے حملہ کردیا۔ جب قیصر علی نے اپنی جان پچانے کی کوشش تو ہارون نے دوبارہ اس کے پیٹ پر حملہ کردیا۔ وہاں موجود لوگوں نے یہ دیکھتے ہی حملہ آور ہارون کو پکڑ کر خوب مارا اور پولیس کو حادثے کی اطلاع دی۔
زخمی حالت میں قیصر کو ضلع اسپتال میں داخل کرایا گیا جہاں ڈاکٹروں نے اسے مردہ قرار دے دیا ہے۔
مزید پڑھیں:ہگلی: والدین اور بہن کو قتل کرنے کے بعد نوجوان کی خودکشی کی ناکام کوشش
وہیں پولیس کا کہنا ہے ابتدائی تفتیش میں ملزم ہارون نے ناجائز تعلقات کی وجہ سے قتل کرنے کی بات کہی ہے۔ مقتول نوجوان کا پوسٹ مارٹم کیا جارہا ہے۔ اس معاملے میں ملزم سے مزید پوچھ گچھ جاری ہے۔
