مرادآباد: رام گنگا ندی میں طغیانی، خطرے کے نشان سے فی الحال نیچے

مرادآباد کی رام گنگا ندی کی آبی سطح میں برابر اضافہ ہورہا ہے، اس کی وجہ ریاست میں مسلسل ہورہی بارش بتائی جارہی ہے۔

ریاست اتر پردیش میں لگاتار ہو رہی بارش سے ندیوں کا پانی اب طغیانی حالت میں ہے۔ جس کی وجہ سے ندیوں کی آبی سطح میں اضافہ ہورہا ہے۔

ای ٹی وی بھارت اردو کے نمائندہ نے مرادآباد سے نکل رہی رام گنگا ندی کا جائزہ لیا۔ رام گنگا ندی کی آبی سطح میں مسلسل اضافہ ہورہا ہے۔

بتایا جاتا ہے کہ کالا گڑھ ڈیم برج سے 42996کیو سیک پانی چھوڑا گیا ہے، اس وجہ سے بھی طغیانی دیکھی جارہی ہے۔ وہیں رام گنگا ندی 28 سینٹی میٹر خطرے کے نشان سے فی الحال نیچے ہے۔