بجنور: کورونا پازیٹیو مریض کے 17 رشتہ دار کورنٹائین

ضلع بجنور میں کورونا وائرس سے متاثرہ ایک شخص کے اہل خانہ کے تقریباً 17 افراد کو احتیاطی طور پر نجی انٹر کالج میں کورنٹائین کردیا گیا ہے۔

ریاست اترپردیش کے بجنور ضلع کے تھانہ سیوہارا کے میوا نوادہ میں عبد القادر نامی شخص جماعت سے ابھی حال ہی میں گھر واپس آیا تھا۔

جب معمول کے مطابق اس کی طبی جانچ کی گئی تو مذکور شخص کی ٹیسٹ رپورٹ پازیٹیو پائی گئی جس کے بعد پولیس اور شہری انتظامیہ میں افراتفری مچ گئی۔ جس کے بعد فوری طور پر عبدالقادر کو مرادآباد کے اسپتال میں داخل کرایا گیا۔

جبکہ مذکورہ شخص کے خاندان کے 17 افراد کو ایم کیو انٹر کالج میں کورنٹائن کردیا گیا اور کالج سمیت پورے علاقے کو سینیٹائز کیا جارہا ہے۔