اتر پردیش اسمبلی انتخابات جیسے جیسے قریب آرہے ہیں تمام سیاسی پارٹیوں کی سرگرمیاں تیز ہورہی ہیں اور ہر کوئی حکمت عملی بنانے میں مصروف ہے۔ اسمبلی انتخابات کے لیے سیاسی پارٹیاں سیمینار اور جلسۂ عام منعقد کررہی ہیں۔ اگر بات کی جائے ریاست اتر پردیش کے ضلع سنبھل کے اسمولی علاقے کی تو یہاں پر سیاسی سرگرمیاں تیز تو ہیں لیکن خاص بات یہ ہے کہ یہاں انتخابی میدان میں خواتین بھی بڑھ چڑھ کر حصہ لے رہی ہیں۔
ضلع سنبھل کے اسمولی علاقے میں سماج وادی پارٹی سے رکن اسمبلی پنکی یادو ہیں۔ پنکی یادو دو بار سے اس علاقے کی ایم ایل اے ہیں۔
آئندہ برس اسمبلی انتخابات میں پنکی یادو کے سامنے اتر پردیش کانگریس سکریٹری بھارتی شرما ہیں۔ بھارتی شرما نے پنکی یادو کے مخالف الیکشن لڑنے کا فیصلہ کیا ہے۔
بھارتی شرما نے ای ٹی وی بھارت سے گفتگو کے دوران بتایا کہ 'پنکی یادو نے اپنے اسمبلی علاقے میں کوئی کام نہیں کیا۔ یہاں کی سڑکیں خستہ حال ہیں اور انہوں نے اپنے حلقے میں کوئی بھی ترقیاتی کام نہیں کیا۔
اس کے علاوہ بھارتی شرما موجودہ بھارتیہ جنتا پارٹی کی حکومت کے ساڑھے چار سال کے ترقیاتی کارناموں پر بھی جم کر بولیں۔ انہوں نے کہا کہ یوگی آدتیہ ناتھ حکومت نے ان ساڑھے چار سال میں کچھ نہیں کیا ہے۔
