مراد آباد کلکٹریٹ کے روبرو 10 ٹرین یونینوں کی جانب سے احتجاجی مظاہرہ کیا گیا۔ یو ٹی یو سی کے زیراہتمام مظاہرہ کے دوران مرکزی و صوبائی حکومت کے خلاف احتجاج کیا گیا اور ڈی ایم کے ذریعہ گورنر کو ایک میمورنڈم روانہ کیا گیا۔
مظاہر کے موقع پر احتجاجیوں نے تھالی و تالی بجاکر احتجاج کیا اور حکومت سے مزدور و کسان مخالف قوانین کو واپس لینے کا مطالبہ کیا۔
اس موقع پر مختلف ٹریڈ یونین کے رہنماؤں نے خطاب کرتے ہوئے حکومت سے بنک، ایل آئی سی اور ریل کو نجی شعبوں کے حوالے کرنے کی مخالفت کی۔ انہوں نے پرانی پنشن اسکیم کو بحال کرنے کا بھی مطالبہ کیا۔
انہوں نے ٹریڈ یونین کا رجسٹریشن 45 دن کے اندر کرنے کی حکومت سے درخواست کی۔ انہوں نے آنگن واڑی اور آشا ورکرز کے مسائل کو بھی حل کرنے پر زور دیا۔ مظاہرہ کے دوران مرکزی و صوبائی حکومت سے بیروزگار نوجوانوں کو 10 ہزار روپئے بھتہ دینے کی مانگ کی گئی۔
