مرادآباد: کسانوں کی حمایت میں سماج وادی پارٹی کا مظاہرہ

کسانوں کی حمایت اور تین زرعی قوانین کی مخالفت کےلیے سماجی وادی پارٹی کی جانب سے بڑے پیمانہ پر مہم چلائی جارہی ہے۔

اترپردیش کے مراد آباد میں آج سماجی وادی پارٹی کے رکن پارلیمنٹ ڈاکٹر ایس ٹی حسین نے کسانوں کی حمایت میں مظاہرہ کیا۔ اس موقع پر انہوں نے بی جے پی حکومت پر سخت تنقید کی۔

ڈاکٹر ایس ٹی حسن نے سماج وادی پارٹی کے کارکنوں کو خطاب کرتے ہوئے کہا کہ پارلیمنٹ سے لیکر گلیوں تک فرقہ واریت کا زہر گھولا جارہا ہے۔ انہوں نے زرعی قوانین کو کسان مخالف اور غریب مخالف قرار دیا۔

ایس پی رکن پارلیمنٹ نے مودی حکومت پر تنقید کرتے ہوئے کہا کہ ’اس حکومت کی جانب مسلمانوں کو نقصان پہنچانے کےلیے بھی متعدد قوانین لائے گئے‘۔

انہوں نے وزیراعظم نریندر مودی پر شدید تنقید کی اور کہا کہ ’مودی حکومت کچھ سرمایہ کاروں کے اشاروں پر چلتے ہوئے سارے ملک کو گروی رکھنا چاہتی ہے‘۔