مراد آباد: میدانی علاقوں میں مسلسل بارش سے ندی میں طغیانی، ایک کی موت

پہاڑی علاقوں میں گذشتہ کئی دنوں سے ہورہی مسلسل بارش کے سبب میدانی علاقوں کی ندیوں میں طغیانی آگئی ہے۔ مراد آباد شہر سے گذرنے والی ندی کے کنارے آباد لوگوں سے ضلع انتظامیہ نے اپیل کی ہے کہ وہ محتاط رہیں۔ وہیں، ندی میں تیرنے گئے ایک نوجوان کی موت ہوگئی ہے، جبکہ دو لاپتہ بتائے جا رہے ہیں۔

ریاست اتر پردیش کے شہر مرادآباد سے گذرنے والی ندیوں میں ان دنوں طغیانی آئی ہوئی ہے اور سطح آب میں غیر معمولی اضافہ ہوا ہے۔

دریا میں سطح آب میں ہورہے مسلسل ہورہے اضافہ کے سبب ضلع انتظامیہ کے افسران متحرک ہیں۔ افسران نے الرٹ جاری کیا ہے۔ اس کے علاوہ دریا کے کنارے آباد لوگو ں کو محتاط رہنے کی ہدایت دی گئی ہے ۔

ان سب کے قطع نظر چند نوجوان دریا میں چھلانگ لگاکر مستی کرتے ہوے نظر آئے۔

بتایاجارہا ہے کہ تین لڑکے دریا میں تیرنے کے لیے چھلانگ لگائے۔ لیکن وہ تینوں پانی کے تیز بہاؤ میں گم ہوگئے۔