ریاست اترپردیش کے شہر مرادآباد میں مرکزی حکومت اور ریاستی حکومت سڑکوں کو درست کرانے اور گاؤں گاؤں سڑک پہنچانے کے لیے ترقی کے تمام منصوبے چلا رہی ہے۔
ان منصوبوں کے لیے حکومت کروڑوں روپے کا بجٹ ہر برس منظور کرتی ہے لیکن اگر بات کی جائے مرادآباد کے آزاد نگر ایم ڈی اے کالونی کی تو یہ منصوبہ واضح طور پر کھوکھلا ثابت ہوتا ہوا دکھائی دے رہا ہے۔
واضح رہے کہ مرادآباد اترپردیش کے سمارٹ سٹی میں درج فہرست ہے۔ تاہم سمارٹ سٹی کے نام سے ایک منفرد شناخت بنانے والے مرادآباد کی ایم ڈی اے کالونی کی سڑکیں ابھی بھی بد حالی کا شکار ہیں۔
جب ای ٹی وی بھارت نے ان سڑکوں کا جائزہ لیا تو مقامی لوگوں نے بتایا کہ یہاں کی سڑکیں کئی سالوں سے بدحال ہیں اور برسات کے موسم میں کافی پانی جمع ہو جاتا ہے۔
مقامی لوگوں کا کہنا ہے کہ اعلیٰ افسران سے شکایت کرنے کے بعد بھی کوئی توجہ نہیں دے رہا۔ تاہم ان بدحال سڑکوں اکثر اسی وجہ سے حادثے بھی ہوتے ہیں جس کی وجہ لوگ زخمی ہوجاتے ہیں جب مرادآباد اسمارٹ سٹی کا ہی یہ حال ہے تو باقی شہروں کا کیا حال ہوگا آپ خود اندازہ لگا سکتے ہیں۔
