ریاست اتر پردیش کے مرادآباد سماج وادی پارٹی کے ضلع دفتر پر ایک ماہانہ میٹنگ کا انعقاد کیا گیا۔ اس میٹنگ میں سماج وادی پارٹی کے عہدیداران اور ممبران نے شرکت کی اور سال 2022 میں ہونے والے اسمبلی انتخابات پر تبادلۂ خیال کیا۔
سماج وادی پارٹی کے مرادآباد ضلع صدر ڈی پی یادو نے میڈیا سے بات چیت کرتے ہوئے بتایا کہ میرے ضلع صدر بننے کے بعد یہ پہلی ایک ایسی میٹنگ تھی، جس میں سنبھل سے رکن پارلیمنٹ ڈاکٹر شفیق الرحمٰن برق اور مرادآباد کے رکن پارلیمنٹ ڈاکٹر ایس ٹی حسن کے ساتھ ساتھ کئی سینیئر لیڈران موجود رہے۔
یہ بھی پڑھیں: یوپی حکومت انتخابات کے لیے کام کررہی ہے، اردود اکادمی کی سابق چیئر پرسن کا الزام
سماجوادی پارٹی کی سینیئر لیڈر پربھا دیوی نے کہا کہ نئی ضلع ٹیم بنائی گئی ہے اگر سال 2022 میں پارٹی کی اعلیٰ کمان کے حکم پر مرادآباد کی 6 اسمبلی سیٹ میں سے کسی بھی سیٹ پر خواتین کو امیدوار بنایا جاتا ہے تو یہ پارٹی کا اچھا فیصلہ ہوگا۔
