بنارس: مہاجر مزدوروں کے نقل مکانی کا سلسلہ بدستور جاری

کورونا وائرس کی وجہ سے ہونے والے لاک ڈاؤن کا سب سے زیادہ اثر مزدور اور غریب طبقے پر پڑا ہے، یہی وجہ ہے کہ ان لاک ون میں اب تک مزدوروں کے نقل مکانی کا سلسلہ جاری ہے۔ بنارس کے راج گھاٹ علاقے میں مزدوروں کا ایک جتھا پٹنہ سے بنارس پیدل چلتے ہوئے ملا، جو الہ آباد تک جائے گا۔

مزدوروں نے ای ٹی وی بھارت سے بات کرتے ہوئے بتایا کہ گزشتہ چار دن سے انہیں کھانے کے لیے کھانا میسر نہیں ہوا، بھوکے ہیں پانی کے سہارے سینکڑوں کلومیٹر پیدل چلے ہیں۔

مزدوروں کے لیے حکومت کے ذریعے جاری کردہ سہولت کے بارے میں سوال کرنے پر بتایا کی ناخواندگی کی وجہ سے ٹرین کا سفر کرنا مشکل ہے اور بس کی سہولیات کافی محدود ہے یہی وجہ ہے کہ سینکڑوں کلو میٹر پیدل چلنا پڑ رہا ہے۔

واضح رہے کہ اتر پردیش حکومت نے دعویٰ کیا ہے کہ کروڑوں مزدوروں کے بینک اکاؤنٹ میں 1000 روپے بھیجا گیا ہے، لیکن پیدل چلنے والے ان مزدوروں سے جب حقیقت حال دریافت کیا تو انہوں نے حکومت کے ذریعے ملنے والے پیسے کی بارے میں انکار کر دیا۔

انہوں نے کہا کہ ابھی تک حکومتی امداد کچھ بھی نہیں پہنچی ہے، یہی وجہ ہے کہ ہم پیدل چلنے پر مجبور ہیں۔