ریاست اتر پردیش کے ضلع مظفر نگر میں گذشتہ تقریبا تین برسوں سے تنخواہ نہ ملنے اور کارڈ میں انٹری نہ ہونے کی وجہ سے منریگا کے تحت کام کرنے والے مزدوروں نے ڈی ایم آلوک کمار کو آج ایک میمورنڈم سونپ کر تنخواہ کا مطالبہ کیا۔
مظفر نگر: میمورنڈم سونپ کر تنخواہ کا مطالبہ
منریگا کے تحت کام کرنے والے درجنوں مزدوروں نے ڈی ایم آلوک کمار کو بتایا کہ 'ہم لوگ منریگا کے تحت کوکڈا بلاک میں کام کرتے ہیں۔ گزشتہ کئی برسوں سے ہمیں تنخواہ نہیں دی جارہی ہے اور نہ ہی منریگا کاپی میں ہماری انٹری کرائی گئی ہے۔'
انہوں نے بتایا کہ 'جب بھی ہم اپنی تنخواہ کی بات کرتے ہیں تو اعلی افسران ہمارے ساتھ بدسلوکی کرتے ہیں۔ اس لیے ہم چاہتے ہیں کہ ہماری تنخواہ کی ادائیگی جلد سے جلد کرائی جائے اور ہماری کاپی میں انٹری کی جائے۔'
