میرٹھ: میڈیکل کالج اور ضلع اسپتال میں آکسیجن پلانٹس کا کام جاری

عالمی وبا کورونا وائرس کی دوسری لہرکے دوران آکسیجن کی قلت اور دیگر سہولیات کی عدم دستیابی کے باعث کئی افراد کی موت ہوگئی تھی۔ مذکورہ حالات سے سبق لیتے ہوئے اور آئندہ پیش آنے والے ایسی صورتحال نمٹنے کے لئے میرٹھ کے میڈیکل کالج اور ضلع ہسپتال میں پی ایم کیر فنڈ اور حکومت کی جانب سے نئے آکسیجن جنریٹر پلانٹس لگانے کا کام تیزی سے جاری ہے۔

رواں برس کے مئی جون اور جولائی کے مہینے میں عالمی وبا کورونا وائرس کے مضر اثرات اور ملکی پیمانے پر آکسیجان کی قلت ودیگر طبی سہولیات کے فقدان کے سبب ہزاروں افراد کی موت ہوگئی تھی۔

کورونا وبا کی تیسری لہر کے آمد کے امکان کے پیش نظر اترپردیش کے ضلع میرٹھ کے میڈیکل کالج اور ضلع ہسپتال میں آکسیجن جنریٹر پلانٹس لگانے کا کام کیا جا رہا ہے. تاکہ مستقبل میں آکسیجن کی کمی کا پھر سے سامنا نہ کرنا پڑے .

میرٹھ کے میڈیکل کالج اور ضلع ہسپتال میں پی ایم کیر فنڈ اور حکومت کی جانب سے نئے آکسیجن جنریٹر پلانٹس لگانے کا کام جنگی خطوط پر جاری ہے تاکہ اسپتال میں کووڈ وارڈ کے سبھی بیڈز تک آکسیجن پہنچائی جاسکے۔