میرٹھ میں سٹی ریلوے اسٹیشن پر ممبئی سے میرٹھ آنے والے مسافروں کو کورونا جانچ کے بعد ہی شہر میں داخل ہونے دیا جا رہا ہے۔
ملک کے مختلف صوبوں میں کورونا کی لہر کا اثر ایک بار پھر دیکھائی دے رہا ہے اس کے بڑھتے خطرے کو دیکھتے ہوئے مختلف صوبوں سے آنے والے مسافروں پر خاص نظر رکھی جا رہی ہے خاص کر ممبئی سے آنے والے مسافروں کو کورونا جانچ کے بعد ہی شہر میں داخل ہونے کی اجازت دی جارہی ہے۔
گذشتہ روز ممبئی سے میرٹھ قریب 40 مسافر پہنچے، جس میں ایک شخص کی رپورٹ پازیٹیو پائی گئی جس کے بعد اسے ہوم کورنٹائن کیا گیا۔ اس جانچ کا مقصد بھی یہی تاکہ کورونا انفیکشن کو اور زیادہ پھیلنے سے روکا جاسکے ۔
مہاراشٹر کے علاوہ دوسرے صوبوں میں جس طرح سے کورونا انفیکشن کے معاملے بڑھے ہیں اس کو دیکھتے ہوئے اترپردیش میں احتیاط برتی جارہی ہے جو قابل ستائش ہے۔ضرورت ہے کہ عوام بھی حکومت کی جانب سے جاری گائیڈ لائن پر عمل پیرا ہو۔تاکہ کورونا انفیکشن سے اپنے ساتھ اپنوں کو بھی بچایا جا سکے ۔
