وزیراعظم نریندر مودی کو کلین چٹ دیے جانے کو معاملے میں کمیشن کو لتاڑتے ہوئے انہوں نے کہا کہ ملک کا بھروسی الیکشن کمیشن سے اٹھ چکا ہے۔
ایک سوال کے جواب میں انہوں نے کہا کہ :' راجیو گاندھی کے بارے میں جس طرح کے الفاظ وزیراعظم نے استعمال کیے ہیں اس کی مذمت ملک کے علاوہ عالمی سطح پر بھی مذمت کی جارہی ہے۔ مودی جی اور ان کی ٹیم اب گھبرا گئی ہے اس لیے وہ لوگ اس طرح کی بیان بازی کررہے ہیں'۔
انہوں نے مودی کو مشورہ دیتے ہوئے کہا کہ 'کل جب وہ اس عہدے پر نہیں رہیں گے تو کیا وہ پسند کریں گے کہ آنے والے وزیراعظم ان کے بارے میں اس طرح کی بیان بازی کرے'۔
تھرڈ فرنٹ پر تبصرہ کرتے ہوئے انہوں نے کہا کہ :' کے سی آر جس طرح اچھل کود کررہے ہیں وہ محض دکھاوا ہے، آپ 23 مئی کے نتائج کا انتظار کیجئے سب سامنے آجائے گا'۔
یوگی ادتیہ ناتھ کے پرینکا گاندھی اور راہل گاندھی کو شہزادے کہنے پر انہوں نے کہا کہ :' جنہیں وہ شہزادہ کہہ رہے ہیں وہ شہید زادے ہیں اور جنہیں وہ شہزادی کہہ رہے ہیں وہ شہید زادی ہیں اور اگر انہیں اردو نہ سمجھ آرہی ہو تو کسی اردو داں سے ان دو الفاظ کے معنی پوچھ لیں'۔
