Arshad Madani On Corona Virus: مولانا ارشد مدنی کی عوام سے کورونا کا ٹیکہ لگوانے کی اپیل

کورونا وائرس کے بڑھتے کیسز کے پیش نظر جمعیت علماء ہند Jamiat Ulema-i-Hind کے قومی صدر مولانا ارشد مدنی نے عوام سے اپیل کی ہے کہ جن لوگوں نے ویکسین نہیں لی ہے وہ ویکسین لیں، ویکسین ہی واحد راستہ ہے جس سے کورونا وائرس سے بچا جا سکتا ہے۔

ملک میں کورونا وائرس میں اضافہ Corona Virus Surge In India کے پیش نظر جمعیت علماء ہند کے قومی صدر مولانا سید ارشد مدنی نے ایک اپیل جاری کرتے ہوئے کہا ہے کہ اپنی جانوں کی حفاظت کے لئے ویکسینیشن کرانا ضروری ہے۔ انہوں نے کہا کہ اس مہلک بیماری سے حفاظت کا واحد حل ویکسین لینا ہے۔

انہوں نے کہا کہ جو لوگ ویکسینیشن سے متعلق خدشات کا اظہار کررہے ہیں۔ اس کی کوئی ٹھوس بنیاد نہیں ہے۔ اس لئے عوام کو چاہیے کہ وہ افواہوں اور ویکسین سے متعلق بے بنیاد باتوں کو نظر انداز کرتے ہوئے ویکسین لینے کو ترجیح دیں۔

مولانا ارشد مدنی نے کہا کہ اس سے پہلے بھی دنیا میں ایسی بہت سی مہلک بیماریاں آچکی ہیں جن سے حفاظت اور لوگوں کی جانیں بچانے کے لئے حکومت نے ادویات اور ٹیکہ مہیا کرائے ہیں۔