کورونا پر قابو پانے کے لئے بھارت میں لاک ڈاون کے نفاذ کا فیصلہ کیا گیا ۔ اس لاک ڈاون نے کی وجہ سے بیشتر کاروبار ٹھپ پڑچکے ہیں۔
اترپردیش کے شہر مئو کے بنکر اکثریت والے اس شہر میں فی الحال عام زندگی رک سی گئی ہے. لاک ڈاؤن کے بعد یہاں کے بازاروں میں ویرانی چھا گئی ہے. مئو شہر کا صدر چوک خاموش نظر آتا ہے. عام دنوں میں یہاں سے با آسانی گزر جانا بھی ممکن نہیں ہوتا، لیکن لاک ڈاؤن کے بعد آمد و رفت نہ کے برابر ہے۔ کچھ یہی نظارہ مرزا ہادی پورہ علاقے کا بھی ہے. ۔
کورنا نے مئو کے بازاروں کی رونق چھین لی ہے رمضان المبارک کی آمد سے تو ان بازاروں میں چار چاند لگ جاتا تھا۔ مئو کے باشندے بتاتے ہیں کہ انہوں نے کبھی ایسی خاموشی نہیں دیکھی تھی. ان کے لئے یہ بالکل نیا تجربہ ہے. افطار سے قبل صدر چوک پر روزہ داروں کی چہل پہل اور خرید و فروخت سے اس چوک کی رونقیں دو بالا ہو جا تی تھیں ۔یہ تمام تر سرگرمیاں افطار تاوقت سحر جاری رہتا تھا. مگر اس رمضان میں یہ ساری چیزیں اہالیان مئو کے لئے گویا عنقا ہو گئی ہیںلوگ بار گاہ الہی میں دعا گو ہیں ہیں اس وائرس اور اسکے مضر اثرت مخلوق خداوند کو نجات ملے ۔اور تمام سرگرمیاں ازسر نو بحال ہوں۔
