علی گڑھ: اترپردیش کے ضلع علی گڑھ کے روراور تھانہ کے علاقے محبوب نگر گلی نمبر پانچ میں اس وقت افراتفری کا ماحول ہو گیا جب صغیر قریشی نامی شخص نے اپنی بیوی گڈو کا چاقو سے قتل کر دیا۔ موصولہ اطلاعات کے مطابق قتل کی وجہ گھر میں کھانے کو لے کر جھگڑا بتایا جا رہا ہے۔ جس کے بعد غصے میں آکر صغیر نے اپنی بیوی کا گلا کاٹ کر قتل کردیا۔ اطلاع پر محلے والے جمع ہو گئے اور پولیس کو اطلاع دی پولیس نے موقع پر پہنچ کر ملزم کو گرفتار کر لیا ہے۔
مبین نامی پڑوسی کا کہنا ہے کہ صغیر اپنی بیوی کا قتل کر کے بھاگ رہا تھا چیخ و پکار سن کر آس پاس کے لوگ جمع ہوگئے اور ملزم کو پکڑ لیا۔ دونوں میں کھانے کو لے کر جھگڑا ہوا تھا جس کے بعد ہی صغیر نے اپنی بیوی کا چاقو سے قتل کر دیا۔ صغیر کے تین چھوٹے چھوٹے بچے ہیں، قتل سے قبل وہ نماز پڑھ کر آیا تھا جس کے بعد ہی گھر میں جھگڑا ہوا تھا۔ مقتول کی خالہ نے بتایا کہ شادی کو تقریباً 10 سال ہوچکے ہیں، اس کا نام گڈو تھا، ہمیں صرف اتنا معلوم ہوا کہ اس کی گردن کاٹ دی ہے جس کی وجہ محلہ والے ہی بتا پائیں گے کہ اس نے کیوں قتل کیا۔
یہ بھی پڑھیں:Computer Lab In Muzaffarnagar Jail مظفر نگر جیل میں قیدیوں کے لیے کمپوٹر لیب کا انتظام
فی الحال پولیس نے موقع واردات سے قتل کے الزام میں صغیر کو گرفتار کر لیا ہے، باڈی کو پوسٹ مارٹم کے لیے بھیج دیا گیا ہے، پولیس کی طرف سے مزید تفتیش کی جا رہی ہے۔ ایس پی سٹی کلدیپ سنگھ گناوت نے بتایا کہ پولیس کو روراور تھانہ کے تحت معبود نگر میں اطلاع ملی تھی کہ صغیر نامی شخص نے اپنی بیوی کا قتل کر دیا ہے۔
