آل انڈیا ٹیچرس ایسوسی ایشن مدارس عربیہ کے جنرل سیکریٹری وحیداللہ خان سعیدی نے ای ٹی وی بھارت سے بات کرتے ہوئے کہا کہ، 'وطن عزیز ہندوستان میں تیزی سے کورونا وائرس کا وباء پھیل رہا ہے، جس کی وجہ سے اترپردیش کے سبھی مدارس کے اساتذہ نے تنظیم کی اپیل پر لبیک کہتے ہوئے ایک دن کی تنخواہ کو وزیراعظم راحت فنڈ میں عطیہ کرنے کا فیصلہ کیا ہے۔'
انہوں نے کہا کہ اس کے لیے اترپردیش مدرسہ بورڈ کے رجسٹرار کو خط لکھا گیا تھا، جس پر انہوں نے کارروائی کرتے ہوئے سبھی اضلاع کے محکمہ جاتی افسران کو سرکلر جاری کیا ہے کہ اترپردیش امداد یافتہ مدارس کے سبھی اساتذہ کا ایک دن کا تنخواہ وزیراعظم راحت فنڈ کے لیے کاٹاجائے۔
انہوں نے بتایا کہ کورونا وائرس سے لڑائی کیلئے مدارس عربیہ کے اساتذہ پیش پیش ہیں۔ انہوں نے عوام سے بھی اپیل کیا ہے کہ ضرورت مند حاجتمند غریب غربا کی مدد کریں تاکہ کورونا وائرس کی لڑائی میں فتح حاصل ہو۔
