لکھنؤ: اترپردیش کے سابق وزیراعلیٰ ملائم سنگھ یادو کے انتقال کے بعد ملک بھر کے سیاستدان انہیں خراج عقیدت پیش کر رہے ہیں۔ نیتا جی کا انتقال نہ صرف ریاست کے لیے بڑا نقصان ہے بلکہ ملکی سطح پر سیاست کے لیے ناقابل تلافی نقصان ہے۔ سماج وادی پارٹی کے قدآور آٹھ بار کے رکن اسمبلی نواب اقبال محمود Nawab Iqbal Mehmood Member of Assembly SP بھی انہیں افراد میں شامل ہیں۔ ای ٹی وی بھارت سے خاص بات چیت کرتے ہوئے نواب اقبال محمود نے کہا کہ نیتاجی ملائم سنگھ یادو سے تقریباً 1995 میں ان کی ملاقات ہوئی تھی اور انہیں کی دعاؤں سے آج میں بھی سیاست میں سرگرم ہوں، پہلی بار جب اسمبلی انتخابات میں کامیابی ملی تھی تو انہوں نے گلے لگا کر کے دعاؤں سے نوازا تھا۔ میرے والد کا انتقال ہوا تو عید کے دن میرے گھر پر پہنچے اور تعزیت پیش کی اور ہمت و حوصلہ دیا، وہ ہر مشکل گھڑی میں ساتھ رہتے تھے اور رہنمائی کرتے تھے۔ انہوں نے اترپردیش کی سیاست کو نئی بلندیوں تک پہنچانے میں اہم کردار ادا کیا ہے۔ Nawab Iqbal Mehmood Demands Bharat Ratna for Mulayam Singh
یہ بھی پڑھیں:
انہوں نے کہا کہ بی جے پی رات دن نیتا جی اور ان کی پارٹی کو گالی دیتی تھی لیکن ان کی خدمات کی بدولت آج وہ لوگ بھی ان کو خراج عقیدت پیش کرنے پر مجبور ہیں۔ انہوں نے کہا کہ ریاست میں تین دن کے سوگ کا اعلان کیا گیا یہ سوگ ملکی سطح پر ہونا چاہیے کیونکہ وہ نہ صرف ایک ریاست کے رہنما تھے بلکہ خدمات کے ذریعہ پورے ملک کی سیاست میں اہم مقام حاصل کیا ہے۔ انہوں نے کہا کہ وزیراعظم سے ہم مطالبہ کرتے ہیں کہ نیتا جی کو بھارت رتن اعزاز سے نوازیں تاکہ ان کی خدمات کا اعتراف ہو سکے۔ Exclusive Interview with ETV Bharat
