انہوں نے کہا کہ کہ موجودہ مرکزی حکومت جمہوریت کے خلاف کام کر رہی ہے۔ اور حکومت عوام کی زبان بند کرنا چاہتی ہے۔
ای ٹی وی بھارت کے نمائندے سے خصوصی بات چیت کے دوران رہائی منچ کے صدر ایڈوکیٹ شعیب نے دعویٰ کیا ہے کہ مرکزی حکومت عوام کی آواز دبانے کے لئے ہرممکن کوشش میں لگی ہے۔
انہوں نے اپنی گفتگو کے دوران مسئلہ کشمیر کو بھی اُٹھایا ہے۔
ان کا کہنا ہے کہ کشمیر سے دفعہ370 ہٹانے کی بات ہے تو صرف کشمیر کا مسئلہ نہیں ہے، بلکہ ملک میں بےروزگاری، غریبی، اس کے علاوہ ریلوے ہو یا ائر پورٹ تمام مسائل پر ہونے والے سوالات جواب نہیں دینا چاہتی کیونکہ وہ ملک کے کچھ بڑے کارپوریٹ گھرانوں کو فائدہ پہنچانا چاہتی ہے۔
انہوں نے یہ بھی الزام لگایا ہے کہ حکومت کے خلاف جو بھی آواز اٹھاتا ہے، اسے خاموش کرنے کی ہر ممکن کوشش کی جارہی ہے۔ یہی وجہ کہ جب ہم احتجاج کرنا چاہتے ہیں تب حکومت کے لوگ ہمیں نظر بند کردیتے ہیں۔
ایڈووکیٹ شعیب نے کہا کہ حکومت ہمیں جتنا بھی ڈرانا چاہے لیکن وہ ہمیشہ عوام کی آواز بن کر حکومت کے خلاف کھڑے ہوتے رہیں گے۔
