بریلی: عدالت عظمیٰ کے احکامات کے بعد مذہبی مقامات سے لوگوں نے لاؤڈ اسپیکر اُتارنا شروع کر دیا ہے۔ بریلی میں تقریباً ڈیڑھ سو مذہبی مقامات سے لاؤڈ اسپیکر ہٹٓائے گئے ہیں، جبکہ تقریباً چار سو مقامات پر نصب لاؤڈ اسپیکر کی آواز کو کم کیا گیا ہے۔ پولیس نے تاکید کی ہے کہ ایک مذہبی مقام پر صرف ایک لاؤڈ اسپیکر ہی نصب کیا جائے گا اور اُس کی آواز احاطے سے باہر نہیں جانی چاہئے Loudspeakers Removed In Bareilly۔
عدالت عظمیٰ کے احکامات کے بعد بریلی میں بھی مذہبی مقامات پر نصب ایک سے زیادہ لاؤڈ اسپیکر ہٹانے کی مہم چلائی گئی۔ تمام مذہبی مقامات پر نصب لاؤڈ اسپیکر شمار کرنے کے بعد صرف ایک لاؤڈ اسپیکر نصب رہنے دیا گیا اور باقی کو اُتار دیا گیا ہے۔ پولیس نے صرف ایک لاؤڈ اسپیکر نصب کیئے جانے کی اجازت دی ہے۔ ساتھ ہی تاکید کی ہے اس کی آواز مذہبی مقام کے احاطے تک محدود رکھنا ہوگا۔پہلے مرحلے میں مندر اور مساجد مذہبی مقامات پر نصب تیز آواز میں بجنے والے لاؤڈ اسپیکر کو اُتارنے کی مہم شروع کی گئی ہے۔ شہر میں مذہبی مقامات پر نصب 153 اضافی لاؤڈ سپیکر اتار لیئے گئے۔ اس کے ساتھ ہی 406 مذہبی مقامات پر نصب لاؤڈ سپیکر کی آواز کم کر دی گئی۔ ضلع بھر میں آپریشن پرامن طریقے سے چلا ہے۔بریلی میں ڈیڑھ سو مذہبی مقامات سے لاؤڈ اسپیکر ہٹٓائے گئے مزید پڑھیں:
بریلی ڈویژن کے ضلع بدایوں، شاہ جہاں پور اور پیلی بھیت اضلاع میں بھی مذہبی مقامات پر نصب لاؤڈ اسپیکر ہٹانے کی مہم چلائی جا رہی ہے۔ اس دوران شاہ جہاں پور میں چار درگاہوں سے بھی لاؤڈ سپیکر ہٹا دیے گئے، جب کہ 35 کی آواز کم کر دی گئی۔ بدایوں میں 350 سے زائد لاؤڈ سپیکر اُتارے گئے ہیں۔ مذہبی رہنماؤں سے ملاقات کے بعد سپریم کورٹ کے حکم کا حوالہ دیتے ہوئے ان سے تعاون کی اپیل بھی کی گئی۔ اس موقع پر موجود مذہبی رہنماؤں نے بھی تعاون کی یقین دہانی کرائی ہے۔
