کپواڑہ: جموں و کشمیر کے کپواڑہ کے گگل دھر علاقے میں ہفتہ کی صبح سکیورٹی فورسز نے دو عسکریت پسندوں کو ہلاک کر دیا۔ جانکاری کے مطابق فوج نے یہ آپریشن صبح سویرے انجام دیا۔ فوج نے عسکریت پسندوں کے قبضے سے بھاری مقدار میں اسلحہ اور گولہ بارود برآمد کیا ہے۔ تاحال فوج اور عسکریت پسندوں کے درمیان تصادم جاری ہے۔
انکاؤنٹر میں عسکریت پسندوں کی ہلاکت سے متعلق تازہ جانکاری ہندوستانی فوج کے چنار کور نے ایکس پر ایک ٹویٹ میں دی۔ سکیورٹی فورسز کے مطابق گگل دھر میں انکاؤنٹر اس وقت شروع ہوا جب فوج کو یہاں عسکریت پسندوں کے چھپے ہونے کی اطلاع ملی۔ خفیہ جانکاری کی بنیاد پر علاقے کا محاصرہ کر کے تلاشی مہم شروع کی گئی۔ اس دوران فوجی جوانوں نے عسکریت پسندوں کو گھیر لیا۔ اسی دوران دونوں جانب سے ہوئی فائرنگ میں دو عسکریت پسند مارے گئے۔
OP GUGALDHAR, #Kupwara
— Chinar Corps🍁 - Indian Army (@ChinarcorpsIA) October 4, 2024
On 04 Oct 2024, based on intelligence about infiltration attempt, a joint operation by the #IndianArmy and @JmuKmrPolice was launched at Gugaldhar, Kupwara. Alert troops spotted suspicious activity and challenged, leading to exchange of firing with… pic.twitter.com/64ZCSoiOEj
اس پر ایک بیان جاری کرتے ہوئے فوج نے کہا کہ ضبط کیے گئے ہتھیاروں اور دیگر مواد سے صاف ظاہر ہوتا ہے کہ یہ عسکریت پسند کوئی بڑی سازش انجام دینے کی منصوبہ بندی کر رہے تھے۔ علاقے کو چاروں اطراف سے گھیرے میں لے لیا گیا ہے اور سرچ آپریشن جاری ہے۔ بیان میں کہا گیا کہ عسکریت پسندوں کی کسی بڑی سازش سے پہلے ہی فوج ان کے منصوبوں کو ناکام بنانے کے لیے پُرعزم ہے۔
یہ بھی پڑھیں: جموں و کشمیر کے کشتواڑ میں سیکورٹی فورسز اور عسکریت پسندوں کے درمیان تصادم
اس سال عسکریت پسندوں کی مقامی بھرتی تقریباً صفر، جی او سی
بارہمولہ میں NIA کا چھاپہ، دیگر حصوں میں بھی کارروائیاں
آپ کو بتاتے چلیں کہ گذشتہ روز جمعہ کو کپواڑہ میں فوج کو اطلاع ملی کہ یہاں کچھ عسکریت پسند چھپے ہوئے ہیں۔ فوری طور پر علاقے کو گھیرے میں لے لیا گیا۔ سکیورٹی فورسز نے وہاں کچھ مشکوک سرگرمیوں کا مشاہدہ کرنے کے بعد فائرنگ شروع کردی جس میں دو عسکریت پسند ہلاک ہوگئے۔
