بریلی ضلع کی سڑکوں پر لاک ڈاؤن کے درمیان بھی تمام مقامی شہری وقت بے وقت اپنے گھروں سے دیگر دنوں کی طرز پر باہر نکل رہے ہیں۔ جبکہ سڑکوں پر خاموشی صاف نظر آ رہی ہے۔
تمام دکانیں اور شو رومز بھی بند ہیں۔ صرف ضرورت کا سامان خریدنے کے لیے کرانا بازار کی چنندہ دکانیں، میڈیکل اور جنرل اسٹور ہی کھولنے کی اجازت ہے۔
شہر میں بغیر ضرورت کے گھر سے باہر نکلنے والے لوگوں کو پولس نے سڑک پر روک کر لاک ڈاؤن کی خلاف ورزی کرنے کی وجہ معلوم کی تو ان کے پاس کوئی معقول جواب نہیں تھا۔
لہزا پولس نے ایسے تمام موٹر سائکل سواروں کو چالان کر دیا۔ دراصل محرم الحرام کی نویں تاریخ کی شام کو پولس کی سختی مزید بڑھ گئی تھی۔
شہر کے مختلف علاقوں میں بھی پولس کی گشت کے باوجود لوگوں نے گھروں سے باہر نکلنے میں کوئی پرہیز نہیں کیا۔ غور طلب ہے کہ بریلی میں گزشتہ دو ہفتے سے مسلسل ایک سو سے زائد کورونا مثبت مریض ملنے کا سلسلہ چل رہا ہے۔
کورونا سے فوت ہونے والے افراد کی تعداد بھی ایک سو سے زائد پہنچ چکی ہے۔ لہزا پولس اور ضلع انتظامیہ کی سختی کی واجب وجہ بھی ہے۔
مزید پڑھیں:
ایودھیا میں مسجد تعمیر کے لیے ٹرسٹ نے کھولا بینک اکاؤنٹ
لیکن مقامی شہریوں کو اس اعداد و شمار سے کوئی خاص فرق نہیں ہے۔ لہزا گھروں سے باہر نکلنے سے باز نہیں آ رہے ہیں۔
