کورونا کی وجہ سے پورے گوتم بدھ نگر نوئیڈا میں lockdown لاک ڈاؤن جاری ہے۔لوگ گھروں میں قید ہیں۔ لیکن یومیہ اجرت اور مزدوری کرنے والے افراد مشکلات سے دوچار ہیں۔
کھانے پینے اور اشیاءضروریہ کی کمی لوگوں کو پریشان کرنے لگی ہے ۔ معاشی طور پر کمزور لوگ اپنے گھروں سے نکل کر کام کاج کی تلاش کرنے لگے ہیں۔
سیکڑوں علاقوں میں بازار اور دکانیں کھلی ہوئی ہیں جنہیں دیکھ کر نہیں لگتا کہ یہاں لاک ڈاؤن بھی ہے۔
انتظامیہ کی جانب سے بعض افراد کو شرائط کی بنیاد پر چھوٹ بھی دی گئی ہے۔
اس کے برعکس ایسے لوگوں کی بڑی تعداد سڑکوں پر نظر آنے لگی ہے جو غیر ضروری اور موج مستی کے ارادے سے گھوم رہے ہیں۔ ایسے لوگوں کے خلاف پولیس بھی سخت ہو گئی ہے اور اپنی گشت تیز کر دی ہے۔ ایسے افراد کے خلاف کارروائی بھی شروع کردی ہے۔ مختلف سڑکوں پر ایسے لوگوں کے خلاف مہم کے تحت لوگوں کو روک کر ان سے جواب طلب کر رہی ہے۔
پولیس کا کہنا ہے کہ ذرا سی راحت دے دی جائے تو لوگ زیادہ ہی فری ہو جاتے ہیں۔اس وبائی دور میں کاروائی لازمی ہو جاتی ہے۔
