بازار بند ہونے سے ان کے سامنے روزی روٹی کا خطرہ ہوا تو ان لوگوں نے پیٹ پالنے کے لیے مجبوری میں پھلوں اور سبزیوں کا ٹھیلا لگانا شروع کر دیا اور اب یہ لوگ دن بھر شہروں میں پھل اور سبزی فروخت کر کے اپنا گزارا کر رہے ہیں۔
بارہ بنکی کی سڑکوں پر ان دنوں ہر گلی محلے جا کر پھل اور سبزی فروخت کرنے والوں میں ایک بڑی تعداد ہنر مند و پڑھے لکھے کامگاروں کی ہے۔
یہ لوگ لاک ڈاؤن سے قبل ڈرائیونگ یا دیگر کام کرتے تھے. ان میں سے چند نجی کمپنیوں میں نوکری کرتے تھے لیکن جب لاک ڈاؤن کے دوران ان کا کام بند ہوا اور روزی روٹی کا مسلۂ درپیش آیا تو ان کے سامنے ریڑھی لگانے کے علاوہ کوئی دوسرا راستہ نہیں تھا۔
لہٰذا مجبوری میں اپنے گھر کی کفالت کے لیے یہ لوگ ریڑھیوں و ٹھیلوں پر پھل اور سبزیاں فروخت کر اپنا گزارا کررہے ہیں۔
ویسے تو یہ ہنرمند افراد اپنی مجبوری کسی کو نہیں بتاتے لیکن جب ان سے سوال پر سوال کیے گئے تب انہوں نے اپنی پوری داستاں ای ٹی وی بھارت کے کیمرے پر بیان کی۔
