اترپردیش حکومت کی جانب سے نافذ کئے گئے 55 گھنٹوں کے لاک ڈاؤن کے پہلے دن بارہ بنکی شہر میں اس کا ملا جلا اثر نظر آیا۔
لاک ڈاؤن کی وجہ سے شہر کی تمام دکانیں بند رہیں، لیکن شہر کی سڑکوں پرلوگوں کی آمد رفت دیکھی گئی۔ شہر کے تمام چوراہوں پر تعینات پولیس کے جوان سڑک پر نکلنے والوں کو سمجھاتے ہوئے نظر آئے۔
صبح سے ہی بازار کی تمام دکانیں بند رہیں۔ اشیائے ضروریہ اور میڈیکل شاپز کی دکانیں کھلی رہیں۔ شہر کے گھنٹا گھر، دھنوکھر، چھایا اور پٹیل تیراہے پر دوکانیں بند تھیں، لیکن مقامی شہریوں کی نقل وحرکت دیکھی گئی۔
لوگ مختلف وجوہات بتاکر باہر نکل رہے تھے اور پولیس کے اہلکار انہیں سمجھا کر واپس بھیج رہے تھے. عوام گھر میں رہیں اس کے لئے چوراہوں پر رکاڈیڈ اپیل، لاؤڈ-اسپیکر سے بجائی جا رہی تھی۔ پولیس اور انتظامیہ کے تمام اہلکار دن بھر شہر میں گشت کرتے ہوئے نظر آئے۔ اس دوران قانون توڑنے والوں کےخلاف کارروائی کی گئی۔
