موبائل چارجنگ کے لیے قطار

ایک ایسا ریلوے اسٹیشن جہاں پر مقامی لوگ موبائل چارجنگ کے لیے لمبی قطاریں لگا رہے ہیں، موبائل چارج کرنے کو لے کر نوک جھونک بھی ہو رہی ہے۔

ریاست اتر پردیش کے ضلع گونڈا میں گزشتہ دو دنوں سے بجلی نہ ہونے کے سبب وہاں کے مقامی لوگ پاس کے مسکنوا نامی ریلوے اسٹیشن پر موبائل چارجنگ کرنے پہنچ رہے ہیں۔

اس درمیان کچھ لوگ آپس میں چارجنگ کے مسئلے کو لےکر جھگڑ پڑے، لوگوں نے سمجھا بجھا کر حالات کو قابو میں کیا۔

وہاں کے مقامی شخص شیلیندر نے ای ٹی وی بھارت کو بتایا کہ ضلع میں مسلسل دو دن بارش کے سبب بجلی ندارد ہے، بجلی کے کھمبے گر پڑے ہیں۔
لوگ گرمی کو کسی طرح برداشت تو کر رہے لیکن رابطے کے لیے موبائل ضروری ہے تو اس کی چارجنگ کے لیے لوگ پاس کے مسکنوا اسٹیشن پہنچ رہے۔