پراسیکیوشن کے مطابق دو سال قبل بسرہرا تھانہ علاقے میں ہوئے تہرے قتل میں سنیچر کو ایڈیشنل اینڈ سیشن جج نے ملزم کو عمر قید کی سزا سنائی۔
بیٹے نے ماں۔باپ اور دادی کو موت کے گھاٹ اتار دیاتھا۔ ملزم کو سزا دلانے میں اس کی بیوی کی گواہی کافی اہم رہی۔ عدالت نےاس پر 20 ہزار روپے بطور جرمانہ اداکرنے کا بھی حکم دیا ہے۔
پراسیکیوشن کے وکیل دویندر تیواری نے بتایا کہ بسرہرا تھانے کے ابھینئے پور گاؤں کا باشندہ رام نارائن نے 29 اگست 2017 کو تھانے میں رپورٹ درج کرائی تھی کہ نشے میں دھت دیپ کانت نے کملا دیوی،جاوتری دیوی اور ناہر سنگ پر حملہ کیا جس سے ان کی موت ہوگئی۔
نشے کے لیے وہ آئے دن ماں۔باپ سے لڑائی کرتا رہتا تھا۔ پولیس نے کافی تحقیق کے بعد دیپ کانت کے خلاف چارج شیٹ عدالت میں فائل کی تھی۔
پراسیکیوشن کے مطابق ایڈیشنل اینڈ سیشن جج نے دونوں فریقن کے دلائل سننے کے بعد ملزم کو عمر قید کی سزا سنائی۔
