کاشی وشو ناتھ کوری ڈور کا مزدور طبقہ پریشان

بھارتی ریاست اتر پردیش کے ضلع بنارس کے کاشی وشوناتھ مندر کے احاطے میں وزیر اعظم نریندر مودی نے کاشی وشو ناتھ کوریڈور کی تعمیر کا اعلان کیا تھا، جس کے بعد سے اس کا کام زوروں پر ہے اور اس میں سینکڑوں مزدور کام کر رہے ہیں جو ریاست بہار و بنگال کے ہیں لیکن لاک ڈاؤن کے بعد سے مزدور نے کام بند کر دیا اور اب وہ وہ اپنے گھر جانے کے خواہشمند ہیں۔

کاشی وشوناتھ کوریڈور کے مزدوروں نے آف کیمرہ بتایا کہ لاک ڈاؤن کو 12 دن گزر گئے ہیں اور اس دوران کام بھی معطل تھا لیکن اب دوبارہ سے کام پر جانے لگے ہیں۔

ان کے مطابق کھانے رہنے میں اگرچہ کوئی پریشانی نہیں ہے، لیکن لاک ڈاؤن کے دوران دوبارہ کام شروع کرنا سماج دوریاں بنانے اور طبی نقطہ سے مناسب نہیں سمجھا جارہا ہے۔

مزدور طبقہ پریشان

ایسے میں بیشتر مزدوروں کو امید تھی کہ 14 اپریل کو آمد و رفت کے ذرائع بحال ہوجائیں گے، لیکن وزیراعظم نریندر مودی نے اس کی میعاد میں توسیع کردیا ہے۔ اب ان درجنوں مزدوروں کی مشکلات میں اضافہ ہوگیا ہے۔