کانپور ضلع انتظامیہ نے ایک مدرسہ سمیت 12 مساجد سے تبلیغی جماعت اور اس سے تعلق رکھنے والے ایک سو سے زیادہ افراد کو جانچ کے لیے اپنی تحویل میں لیا تھا، جن جن علاقوں میں جماعت کے لوگ ٹھہر ے ہوئے تھے ایسے تیرہ علاقوں کو ہاٹ اسپاٹ قرار دیا تھا جس کے بعد اس علاقے کے سینکڑوں لوگوں کی جانچ کی گئی جنہوں نے ان جماعتی افراد سے ملاقات کی تھی۔
جب تبلیغی جماعت کے افراد کوجانچ کے لیے پولیس نے اپنی تحویل میں لیا تو اس وقت تک یہ یقین کرنا مشکل ہو رہا تھا جماعتیو ں کی اتنی بڑی تعداد کورونا وائرس سے متاثر پائی گئی ہے لیکن میڈیکل کالج میں بنے کوارنٹائن سینٹر پر ان سبھی مریض کو رکھ کر ان کا علاج کیا گیا اور تقریباً 71 افراد روبہ صحت ہو گئے۔
ان سبھی مریضوں کو کوارنٹائن کے لیے 14 دن تک الگ الگ جگہوں پر مزید صحتیابی کے لیے رکھا گیا تھا اب ان لوگوں نے یہ متعینہ مدت بھی مکمل کرلی اور اب یہ سبھی جماعتی صحت مند ہیں اس لیے اب ضلع انتظامیہ نے انہیں ان کے وطن بھیجنے کا فیصلہ کیا ہے۔
یہ سبھی اترپردیش کے ضلع بجنور، باندا اور دہلی سے تعلق رکھتے ہیں، انہیں بسوں کے ذریعے سے ان کے گھر بھیجا جا رہا ہے۔
صحت مند ہوئے ان سبھی جماعتیوں کو کانپور ضلع انتظامیہ نے مارچ کے پہلے ہفتہ میں اپنی تحویل میں لیا تھا جس میں 24 جماعتی ضلع بجنور کے 14 ضلع باندا کے ہیں جبکہ باقی 33 جماعتی دہلی کے رہنے والے ہیں ان سب کو ضلع انتظامیہ کی جانب سے ان کے شہر بسوں کے ذریعے سے بھیجا جارہا ہے۔
