علی گڑھ مسلم یونیورسٹی میں واقع جواہر لال نہرو میڈیکل کالج کے جونیئر ڈاکٹروں نے جنرل باڈی میٹنگ میں ہڑتال ختم کرنے کا فیصلہ کیا۔
آئندہ صبح آٹھ بجے سے سبھی ڈاکٹرز اپنی ڈیوٹی کو انجام دیں گے۔
جواہر لال نہرو میڈیکل کالج کے ریزیڈنٹ ڈاکٹر ایسوسی ایشن کے تقریباً ساڑھے 450 ڈاکٹرز 27 جون سے ہڑتال پر تھے۔ ڈاکٹروں نے ہڑتال کی وجہ ساتویں پے کمیشن کو نافذ نہ کیا جانا بتایا ہے۔
جے این میڈیکل کالج میں آج دوپہر کو جنرل باڈی میٹنگ بلائی گئی جس میں سبھی ڈاکٹروں کے ساتھ یونیورسٹی کے رجسٹرار عبدالحمید بھی موجود تھے۔
یونیورسٹی کے رجسٹرار عبدالحمید نے کہا ' آنے والی 23 تاریخ کو یونیورسٹی انتظامیہ، ریزیڈنٹ ڈاکٹر ایسوسی ایشن کے تینوں عہدیداران کے ساتھ ایم ایچ آر ڈی سے ملاقات کر کے ساتویں پے کمیشن کو نافذ کرنے کے متعلق بات کریں گے۔
واضح رہے کہ جونیئر ڈاکٹروں کی جنرل باڈی میٹنگ میں ڈاکٹرس نے یونیورسٹی انتظامیہ کو آئندہ ماہ کی 22 تاریخ تک کا موقع دیا ہے۔ 22 جولائی کے بعد جونیئر ڈاکٹرس نے مسلسل ہڑتال پر جانے کا اعلان کیا ہے۔
ہڑتال سے نہ صرف علی گڑھ کے بلکہ اطراف و اکناف کے گاؤں دیہاتوں کے ساتھ دور دراز کے مریضوں کو بھی کافی پریشانیوں کا سامنا کر رہا کرنا پڑ رہا ہے۔
ہرتال کے دوران تقریباً تین لوگوں کی موت ہو گئی۔
ریذیڈینٹ ڈاکٹر ایسوسی ایشن کے صدر عبداللہ اعظمی نے ان اموات کے ذمہ دار سینئر ڈاکٹرز اور علی گڑھ مسلم یونیورسٹی انتظامیہ کو قرار دیا ہے۔ انہوں نے ان اموات کی جانچ کا بھی مطالبہ کیا ہے۔
ان کا کہنا ہے کہ 17 جون سے ہرتال پر صرف جونیئر ڈاکٹرز تھے۔ سینئر ڈاکٹرز، سپریٹنڈنٹ اور دیگر پروفیسر ٹیچرز اپنی ڈیوٹی کو انجام دے رہے تھے، اس کے باوجود اگر لوگوں کو پریشانیوں کا سامنا کرنا پڑ رہا ہے تو اس کے ذمہ دار وہ خود ہیں۔
