کانپور: آپ نے بھارت اور پاکستان میں اسٹار بلے باز ویراٹ کوہلی کے بہت سے مداح دیکھے ہوں گے، لیکن آج ہم آپ کو ایک ایسے ہی مداح کے بارے میں بتانے جا رہے ہیں، جو صرف ویراٹ کوہلی کو دیکھنے کے لیے 58 کلومیٹر سائیکل چلائی۔
بھارت اور بنگلہ دیش کے درمیان دوسرا ٹیسٹ میچ کانپور کے گرین پارک اسٹیڈیم میں کھیلا جارہا ہے، لیکن بارش کی وجہ سے پہلے دن صرف 35 اوورز کا ہی کھیل ہوسکا اور دوسرے دن بغیر کھیلے منسوخ کردیا گیا۔ بنگلہ دیش نے پہلے بیٹنگ کرتے ہوئے 3 وکٹوں کے نقصان پر 107 رنز بنائے ہیں۔
A 15-year-old kid rode 58 kilometers on his bicycle just to watch Virat Kohli bat pic.twitter.com/rigqQBoCHq
— A (@_shortarmjab_) September 27, 2024
ویراٹ کوہلی کے 15 سالہ مداح کی ویڈیو سوشل میڈیا پر وائرل ہو رہی ہے۔ جس نے اناؤ سے کانپور تک 58 کلومیٹر کا فاصلہ 7 گھنٹے میں صرف کوہلی کی بیٹنگ دیکھنے کے لیے طے کیا۔ وائرل ویڈیو میں چھوٹے بچے نے اپنا نام کارتیکیہ بتایا اور یہ بھی بتایا کہ کس طرح اس نے سائیکل پر 7 گھنٹے کا سفر مکمل کیا۔
پندرہ سالہ لڑکے نے بتایا کہ وہ 27 ستمبر کو صبح سویرے 4 بجے اپنے گھر سے روانہ ہوا اور 11 بجے اسٹیڈیم پہنچ گیا۔ جب اس سے ایک شخص نے سوال کیا کہ کیا والدین نے آنے سے منع نہیں کیا؟ تو 10ویں جماعت میں پڑھنے والے کارتیکیہ نے جواب دیا، نہیں۔
تاہم ویراٹ کوہلی کی بیٹنگ دیکھنے کی کارتیکیہ کی خواہش پہلے دن پوری نہ ہوسکی کیونکہ بھارتی کپتان روہت شرما نے ٹاس جیت کر پہلے بولنگ کا فیصلہ کیا اور بارش کے باعث پورا دن کھیل نہ ہو سکا۔ کارتیکیہ کی ویڈیو دیکھنے کے بعد لوگ سوشل میڈیا پر ویراٹ کے لیے ان کے پیار اور جذبے کی تعریف کر رہے ہیں۔
