ضلع جیل میں بند صحافی کپن صدیقی کورونا سے متاثر ہو گئے ہیں اس کے بعد انہیں جیل ہسپتال میں بھرتی کرایا گیا ہے۔
مھترا جیل میں بند صحافی کپن صدیقی کی کورونا رپورٹ بدھ کی شام کو آئی۔ اس میں ان کی رپورٹ مثبت پائی گئی۔
ضلع میں کورونا وائرس کے معاملے تیزی سے بڑھ رہے ہیں۔ اب تک اس وائرس کی زد میں آنے سے 137 لوگوں کی موت ہوگئی ہے، جبکہ فعال کیسز کی تعداد 1865 ہے۔
جیل سپرنٹنڈنٹ شیلندر میتریے نے بتایا کہ ضلع جیل میں بند کپن صدیقی کی رپورٹ مثبت آئی ہے۔ انہیں علاج کے لیے جیل ہسپتال میں بھرتی کرایا گیا ہے۔
واضح رہے کہ یوپی پولیس نے صحافی کپن صدیقی کو پی ایف آئی کا رکن کہتے ہوئے اس وقت گرفتار کیا تھا جب وہ ہاتھرس میں دلت لڑکی کے ساتھ ہوئی زیادتی کو کور کرنے کے لیے گئے تھے۔
