ریاست اتر پردیش کے ضلع میرٹھ میں جمیعت علماء کی جانب سے ایک خصوصی میٹنگ کا انعقاد کیا گیا۔ جس میں دینی علوم کے ساتھ عصری علوم کی تعلیمات پر بھی زور دینے کی بات کہی گئی۔
میٹنگ میں جمیعت کے ذمہ داران نے مدارس میں دینی تعلیم کے ساتھ عصری علوم کی ضرورت کو بھی بے حد ضروری بتایا۔ انہوں نے کہا کہ جن اسکولز اور کالجز میں مسلمان بچے زیر تعلیم ہیں، وہاں دینی تعلیم کا بھی انتظام ہونا ضروری ہے۔ اس کے علاوہ الگ الگ تحصیل سطح پر ایک دارالشفا کا قیام عمل میں لایا جائےگا تاکہ ضرورت مندوں کو وقت پر علاج مہییہ کرایا جا سکے۔
جمعیت علماء کی جانب سے منعقدہ کی گئی تقریب میں جہاں علماء نے شرکت کی وہیں بڑی تعداد میں مدارس کے طلبہ بھی شریک ہوئے۔
یہ بھی پڑھیں: دہلی فساد کی چارج شیٹ داخل: پولیس نے مسلمانوں کو مورد الزام ٹھہرایا
میٹنگ کا مقصد بھی یہی تھا کہ قوم و ملت کے ہونہار بچے، جو کسی بھی وجہ سے پڑھائی چھوڑ چکے ہوں، ان کے لئے محلوں میں تعلیم بالغان کے سینٹرز قائم کیا جائےط تاکہ ان کو تعلیم سے آراستہ کیا جا سکے۔
