اسی سے متعلق ای ٹی وی بھارت کے نمائندے کو جمعیت علماء ہند کے قومی سیکریٹری مولانا حکیم الدین قاسمی نے بتایا کہ جمعیت علماء ہند کے تمام کارکنان کسانوں کی مدد کے لیے سڑکوں پر ہیں اور جس راستے سے بھی کسان گزر رہے ہیں وہاں ان کی ضروریات کا خیال کرتے ہوئے انہیں ضروری اشیا مہیا کرائی جا رہی ہے۔
اس کے علاوہ انہوں نے کہا کہ کسانوں کے لیے اگر ضرورت پڑی تو مساجد اور گھروں کو بھی کھولا جائے گا۔
حالانکہ دہلی بارڈر کے آس پاس کی مساجد کی جانب سے اس طرح کی اطلاعات بھی موصول ہوئی ہیں کہ مساجد سے کسانوں کے لیے کھانے پینے کا انتظام کیا جا رہا ہے۔
مزید پڑھیں:
کسانوں نے کمیٹی بنانے کی حکومت کی تجویز کو مسترد کیا
وہیں جمعیت علماء ہند کے سینئر رکن مولانا آزاد نے بتایا کہ مولانا محمود مدنی کی جانب سخت تاکید ہے کہ جتنے بھی کسان سڑکوں پر اپنے حق کے لیے آواز بلند کر رہے ہیں۔ ان کی مکمل مدد کی جائے اسی لیے ہم پھل وغیرہ لیکر غازی پور بارڈر پر پہنچے ہیں تاکہ مولانا محمود مدنی کے حکم کی تعمیل کرسکیں۔
