اس سلسلے میں ریاست اترپردیش کے ضلع مرادآباد میں دس روزہ پروگرام منعقد ہوا۔
مرادآباد میں 18 فروری سے 28 فروری 2021 تک پروگرام جاری رہا۔
اس کے تحت خاندانی نظام زندگی پر زور دیا گیا اور بتایا گیا کہ خاندان انسانی زندگی کے لیے کتنا اہم رول ادا کرتا ہے۔
جماعت اسلامی ہند کی جانب سے کہا گیا کہ مضبوط خاندان مضبوط سماج بنانے کے لیے خواتین کو آگے آنا ہوگا اور یہ بھی کہا گیا کہ بیٹیوں کو جہیز نہ دیں بلکہ باپ کی وراثت میں حصہ دیں۔
جماعت اسلامی ہند کے امیر حلقہ مرادآباد ایم رحمٰن نے بتایا کہ انھوں نے جگہ جگہ پروگرام کر عوام کو اس بات سے بیدار کیا کہ اپنی بیٹی کو جہیز نہ دے کر اپنی بیٹی کو وراثت میں حصہ دیں۔
انھوں نے کہا کہ مثالی سماج کے قائم کرنے کے لئے مثالی خاندان کا ہونا لازمی ہے، کیونکہ خاندان ہی سماج کی بنیاد ہے۔
امیر حلقہ ایم اے رحمٰن نے بتایا کہ خاندان میں اخلاقی اقدار کو قائم کرنے کے لئے ملکی سطح پر جماعت اسلامی ہند شعبہ خواتین کی جانب سے مضبوط خاندان مضبوط سماج کے نام سے مہم چلائی جارہی تھی جس کا بنیادی مقصد خاندان کے ہر فرد کو اس کی ذمہ داری سے روشناس کرانا تھا۔
