اتر پردیش کے ضلع مرادآباد میں جماعت اسلامی ہند کی جانب سے ایک پریس کانفرنس منعقد کی گئی۔ اس موقع پر جماعت اسلامی ہند مغرب اتر پردیش کے امیر جناب احمد عزیز خاں نے جماعت اسلامی کی مہم 'مضبوط خاندان مضبوط سماج' سے متعلق تفصیلی جانکاری دی۔
احمد عزیز خاں نے کہا کہ ہم ملک بھر میں 'مضبوط خاندان مضبوط سماج' کے عنوانی سے مہم چلا رہے ہیں۔ اس کا مقصد جہاز کی روک تھام کرنا ور بیٹیوں کو وراثت میں حصہ دلانا ہے۔
ساتھ ہی انہوں نے کہا کہ مثالی سماج کے قیام کے لئے مثالی خاندان کا ہونا لازمی ہے کیونکہ خاندان ہی سماج کی بنیاد ہے۔ اگر ہم اپنے بھارتی سماج کی خاندانی نظام کی صورت حال کو دیکھیں تو کئی پہلوؤں سے اس میں تصحیح کی ضرورت ہے۔
مزید پڑھیں:
'امت مسلمہ تعلیم سے غافل نہیں ہوسکتی'
جماعت اسلامی کے امیر حلقہ نے بتایا کہ خاندان میں اخلاقی اقدار کو قائم کرنے کے لئے ملکی سطح پر جماعت اسلامی ہند شعبہ خواتین کی جانب سے مضبوط خاندان مضبوط سماج کے نام سے مہم چلائی جارہی ہے، جس کا بنیادی مقصد خاندان کے ہر فرد کو اس کی ذمہ داری سے روشناس کرانا ہے۔
