ریاست بہار میں ای ٹی وی بھارت سے بات کرتے ہوئے آر جے ڈی کے ریاستی صدر جگدا نند سنگھ نے کہا کہ شہریت ترمیم قانون کے خلاف یہ پورے بھارت کے عوام کی لڑائی ہے ہم اس ملک کو گوڈسے اور ساورکر کا ملک نہیں بننے دیں گے۔
جگدا نند سنگھ نے کہا کہ یہ لڑائی صرف سیاسی جماعتوں کی نہیں ہے بلکہ یہ بھارت کے 130 کروڑ لوگوں کی آئین اور ملک کے تحفظ کی لڑائی ہے۔
انہوں نے کہا کہ مذہب اور ذات کی بنیاد پر تقسیم ہو کر ہم اسے ساورکر کا ملک نہیں بننے دیں گے بلکہ یہ آزاد بھارت کی وراثت ہم کو مہاتما گاندھی کے جدوجہد کے نتیجے میں ملا ہے۔
انہوں نے مزید کہا کہ ہم بہار میں اس لڑائی کو تیز کریں گے اور بہار کے ساتھ ساتھ اس ملک کو بھی بچائیں گے، یہ لوگ غریبوں پر حملہ کرنا چاہتے ہیں غریب ہمیشہ زمین سے محروم رہا ہے ان کے پاس دستاویزات کہاں سے آئیں گے۔
انہوں نے کہا کہ آئندہ 21دسمبر کو بہار بند رہے گا ہم اس بند کے ذریعے پورے ملک کو یہ پیغام دینا چاہتے ہیں کہ پورے ملک کو بچانے اور آئین کے حفاظت کی لڑائی بہار سے شروع ہو چکی ہے۔
