ساتواں اسلامی مہینہ رجب المرجب عالم اسلام کے لیے انتہائی فضیلت کا حامل ہے۔ یہی وجہ ہے کہ بنارس میں واقع درگاہ فاطمان میں عقیدت مندوں کا ہجوم رہا اور بارگاہ مولیٰ عباس علمبردار میں علم برآمد کیا گیا اور مناجات اور دعا کی گئی۔
یوں تو رجب المرجب میں بہت سارے واقعات رونما ہوئے ہیں لیکن 2 رجب کو امام علی نقی کی ولادت ہوئی تھی۔
بتا دیں کہ امام نقی امام محمد تقی جواد علیہ السلام کے فرزند ارجمند اور امام حسن عسکری کے والد ہیں۔
ان کی ولادت کو فاطمان میں احترام و عقیدت کے ساتھ منایا گیا، جس میں مرد و خواتین سبھی شامل تھے۔ ساتھ ہی دیگر مذاہب کے ماننے والوں نے بھی اپنی عقیدت کا اظہار کیا۔
ای ٹی وی بھارت سے بات کرتے ہوئے فرمان علی نے کہا کہ 'رجب المرجب کے نوچندی کا سب انتظار کرتے ہیں۔ آج اس کے لیے خاص اہتمام کیا گیا، نوحہ خانی کے ساتھ دعا پر اختتام ہوا۔'
