کورونا وائرس کے پیش نظر سماجی دوری کے ساتھ علی گڑھ مسلم یونیورسٹی (اے ایم یو) کے تاریخی اسٹریچی ہال میں جشن یوم آزادی منایا جارہا ہے
جشن یوم آزادی کے موقع پر اے ایم یو کے وائس چانسلر پروفیسر طارق منصور نے پرچم کشائی کی۔
جشن یوم آزادی کے موقع پر اس بار کورونا وائرس کے سبب یونیورسٹی انتظامیہ کی جانب سے کچھ خاص دعوت نامے یونیورسٹی کے کچھ عہدیداروں کو دیے گئے تھے۔
تاریخی اسٹریچی ہال کے سبھی دروازے بند کر کے صرف ایک دروازے سے دعوت نامے اور شناختی کارڈ دیکھ کر ہی اندر جانے کی اجازت دیا گیا تھا۔
جشن یوم آزادی کے موقع پر یونیورسٹی کے وائس چانسلر، رجسٹرار، پراکٹر محمد وسیم، ڈی ایس ڈبلیو مجاہد بیگ، فنانس آفیسر جاوید اختر، ممبر انچارج شعبہ رابطہ عامہ پروفیسر شافعی قدوائی، پی آر او عمر سالیم پیرزادہ کے ساتھ دیگر عہدیداران بھی موجود رہے۔
یونیورسٹی کے رجسٹرار عبدالحمید (آئی پی ایس) نے خصوصی گفتگو میں بتایا کہ 'یوم آزادی کے موقع پر وائس چانسلر اور پورے انتظامیہ کی جانب سے پوری علیگ برادری کو اور سبھی طلباء کو علی گڑھ اور پورے ملک کو مبارکباد پیش کرتا ہوں۔
یہ بھی پڑھیں: وزیر اعظم مودی نے فوج اور کورونا واریئرز کو خراج تحسین پیش کیا
انہوں نے کہا کہ 'کووڈ 19 کے پیش نظر مرکزی اور ریاستی حکومت کی ہدایت کے مطابق جو بھی احتیاط کرنی چاہیے اس کو مد نظر رکھتے ہوئے ہم لوگوں نے 15 اگست کی یہ تقریب کی۔'
